Laboratorio de 3º : función de relación e función de nutrición.

A semana pasada lemos sobre algunhas das funcións vitais das plantas. En concreto, tratamos a función de relación e a función de nutrición. Para comprobar estas dúas funcións, escribimos e realizamos os seguintes experimentos:

EXPERIMENTO DA FUNCIÓN DE RELACIÓN:

O que se pretende con este experimento é comprobar que a planta,dentro da caixa, moverá as súas follas ata o burato polo que pode obter luz. Recordade: a función de relación permite ás plantas reaccionar ante os diferentes estímulos do medio (outros seres vivos, o Sol etc.).

Material:

• caixa
• planta

Pasos: 

1. Cortamos un buratiño na caixa.

1. Colocamos dentro a planta e tapamos a caixa.
2. Esperamos uns días.

Debuxo do que pasa:

• Cada neno e nena debía debuxar o proceso. Cos días veremos que pasa e intentaremos completar esta parte.

EXPERIMENTO DA FUNCIÓN DE NUTRICIÓN:

Con este experimento comprobarán que o colorante (ó igual que fai o zume bruto) transpórtase polo talo a ata as follas.

Material:

• Envases de iogur.
• Auga con colorante (amarelo, vermello e azul).
• Flores brancas.

Pasos:

1. Cortamos un anaco do talo da flor.
2. Botamos colorante na auga.
3. Metemos as flores nos envases co colorante e esperamos uns días.

Debuxo do que pasa:

• Cada neno e nena debía debuxar o proceso. Ó día seguinte xa puidemos ver resultados.

Tamén formularon hipóteses sobre o que podería pasar en cada experimento, quen acertaría?

Ademáis destes experimentos, aproveitamos que Iria nos trouxo o seu microscopio (MOITAS GRACIAS 😘) O día anterior comentamos as partes deste aparato, e logo comprobamos a súa utilidade:

MICROSCOPIO DE IRIA: VEMOS CÉLULAS DE CEBOLA

• Collimos unha capa moi fina da cebola e puxémola no porta.
• Botámoslle unha gotiña de auga e puxémolo na platina.
• Logo axustei os obxectivos ata poder ver a mostra. O microscopio tiña varios filtros de cores que nos permitiron ver a mostra sen ter que tinguila.

Moitos quedaron bastante abraiados co resultado!!!

GRAZAS A TODOS POR  ESTAR ATENTOS E PARTICIPAR NOS EXPERIMENTOS!!!

👀🌿🔍 

Próximamente o experimento da reprodución das plantas....

Para enlazar esta tarefa con outras áreas o alumnado de terceiro traballará no seguinte: 

• O venres de Entroido aproveitamos un anaquiño de tempo que nos sobrou para realizar debuxos cos que decorar o noso novo recuncho: O LABORATORIO DE 3º. En 10 minutos fixeron unha chea de decorados!!! Agora só queda xuntalos no cartel.

• Para practicar o galego, a próxima semana faremos exposicións de científicos: os grupos terán como misión expresar de forma oral un resumo dos experimentos xunto unha valoración da tarefa.