Os retos do camiño.

En sociais ampliamos un pouquiño o tema das festas e tradicións para aprender algo máis sobre o camiño de Santiago. 

Preparouse un conxunto de tarefas cooperativas chamadas Os retos do camiño. Os equipos foron realizando cada unha destas tarefas e se traballaban de forma conxunta e axudando cando fose preciso, recibirían un selo na súa Compostela. 
 Ademais, conectando co proxecto Poetas do Lérez, na actividade Os versos do día lemos refráns relacionados co camiño de Santiago:

• No camiño de Santiago anda o coxo como o sano.
• Cando uns van a Santiago outros xa volven coas cunchas.

 
 Estas foron as tarefas:

-Todos os camiños chegan a Santiago: tiveron que resolver unha serie de actividades analizando un mapa no que aparecían con cores algúns dos camiños máis coñecidos (portugués, francés, inglés e Vía da Prata). 

-Chegamos a Compostela: parecido ó xogo de buscando a Wally axudaron a diferentes peregrinos a orientarse pola cidade de Santiago coa axuda dun mapa. Tamén analizaron as partes do Pórtico da Gloria, onde está situado, quen o creou etc.

-O rosco peregrino: seguindo o programa Pasapalabra, cada parella encargouse de dúas letras do rosco coas que tiñan que crear a tarxeta para o concurso. Agora teremos que esperar á proxima semana para poder presentar o rosco ó alumnado de 6º  que intentará resolvelo.

Letras Galegas e Cancioneiro popular de 3º

Aproveitamos que a semana na que se celebrou as Letras Galegas  coincidiu  co tema de sociais sobre tradicións populares para realizar diferentes tarefas:

-Actividades sobre diferentes tradicións: lendas, traxes típicos, artesanía, bailes e cantigas, comida, festas etc.

-Dedicamos a tarefa Os versos do día dos martes e xoves a ler, buscar e comentar refráns. Tamén coñeceron a web O refraneiro galego.

• Quen coas mans non pode, cos dentes acode.
• O corazón e os ollos nunca son vellos.
• Quen con lobos anda, a ouvear aprende.
• Vale máis pouco e ben que moito e mal.
• Outros sobre o Camiño de Santiago.

-Comprensión lectora sobre Antón Fraguas e unha aprenderon xogando nos Recunchos das letras galegas que prepararon na biblioteca. Aquí deixo a ligazón para que a vexades.

http://bibliopiquin.blogspot.com/ 

- Creación dun cancioneiro popular co que escoitamos, comentamos e realizamos diferentes actividades:

• Palabras misteriosas: A saia da carolina.
• O remix de 3º: Teño un amor en Rianxo.
• Cantigas modernas: A serea e o mariñeiro.
• Caligramas : A Rianxeira. 

	Cantarte hei, Galicia,
	teus dulces cantares,
	que así mo pediron
	na beira do mare.
	[...]
	Que así mo pediron,
	que así mo mandaron,
	que cante e que cante
	na lengua que eu falo.

                                                        Rosalía de Castro

Polo mundo adiante.

En valores comezamos a traballar sobre a diversidade cultural. 

• Na primeira sesión, grazas a un vídeo que nos propuxo Iara, falamos sobre o respecto á todas ás persoas sen importar  orixe, fala etc. Logo fixemos unha quenda de preguntas a compañeiros como ZELIE, ANDRÉS, NESHAT e ZOE que veñen de sitios moi afastados, aprendemos moito deles!

• Na seguinte sesión, Neshat sorprendeunos cunha xenial exposición sobre Bangladesh. Contounos e amosounos moitas cousas, dende a bandeira, platos típicos e mesmo trouxo a vestimenta típica. Todo un luxo contar con ela!

• Agora é o momento de poñerse a elaborar os nosos MINILIBROS CULTURAIS sobre o país, cidade ou vila de orixe de cada un. 
• Rematados os traballos, chega o momento de expoñelos e tamén de valoralo. Para avaliar o seu traballo e ó dos compañeiros poñerán unha nota do 1 ao 3 tendo en conta estes tres aspectos:
• Exposición oral: se falan de forma clara ou se se trabucan, se len en lugar de expoñer ...
• Contido: que o traballo esté completo e inclúa os apartados que se pedían (localización, idioma, lugares de interese, gastronomía, tradicións)
• Decoración: debuxos e organización dos debuxos, fotos etc.
•